Justin og Jessica orðin hjón

Leikaraparið Justin Timberlake og Jessica Biel gekk í það heilaga á Ítalíu fyrr í dag við fallega athöfn umkringt vinum og vandamönnum.

Eins og Lífið greindi frá fyrr í vikunni hafði orðrómur um hjónabandið heyrst í nokkra daga. Hjónin nýgiftu sendu frá sér fréttatilkynningu í kvöld og staðfestu að þau hafi gengið í það heilaga."Það er frábært að vera gift. Athöfnin var falleg og það var sérstakt að vera umkringd vinum og fjölskyldu," sögðu þau í tilkynningunni.

Aðdáendur hjónanna geta svo séð myndir úr sjálfri veislunni í næsta eintaki af People.