Björgunarsveitamenn á um 20 bílum

Um 20 breyttum björgunarbílum, snjóbíl, fjölmörgum fjórhjólum og snjósleðum hafði verið safnað saman við björgunarmiðstöð Garðars við Húsavíkurhöfn í morgun. Þar voru björgunarsveitamenn af öllu Norðurlandi samankomnir. Verkefni dagsins er að sjálfsögðu að bjarga því fé úr fönn sem bjargað verður. Samkvæmt upplýsingum fréttastofu eru þúsundir fjár á Þeistareykjasvæðinu einu saman.

Eins og greint var frá í gær var neyðarástandi lýst yfir. Talið er að 10 til 12 þúsund kindur séu fastar upp á fjöllum vegna fannfergis, auk þess sem enn er rafmagnslaust víða.