Öryggisgæslan meiri út af Pútín

Öryggisgæsla var hert á Keflavíkurflugvelli þegar Vladimir Pútín, forseti Rússlands, millilenti þar á sunndaginn samkvæmt heimildum fréttastofu. Sú er venjan þegar þjóðarleiðtogar eða önnur fyrirmenni koma þar við að efla öryggisgæslu nokkuð.

Eins og fréttastofa greindi frá í gær kom Pútín við á Keflavíkurflugvelli á leið sinni á G20 fundinn sem nú fer fram í Mexíkó meðan eldsneyti var dælt á flugvélina. Að sögn Friðþórs Eydal, upplýsingafulltrúa Isavia, fór hann ekki út úr vélinni og flaug brott af landinu án þess að stíga í íslenska grund.