Maðurinn látinn

Maðurinn sem slasaðist alvarlega í eldsvoðanum í Tunguseli aðfaranótt föstudags er látinn. Slökkviliðsmenn björguðu manninum meðvitundarlausum út úr brennandi íbúð á þriðju hæð í fjölbýlishúsi við Tungusel í Reykjavík.

Önnur manneskja, sem var í íbúðinni, var útskrifuð af sjúkrahúsinu að skoðun og aðhlynningu lokinni.

Mikill eldur logaði í íbúðinni og stóðu eldtungur út um einn glugga. Þegar allt slökkvilið af höfuðborgarsvæðinu kom á vettvang voru allar íbúðir í tveimur stigahúsum rýmdar.

Þess má geta að sömu nótt lést karlmaður á fertugsaldri í Ólafsvík í eldsvoða.