Lögreglan hefur leitað í öðrum ráðuneytum í nágrenni Stjórnarráðsins en samkvæmt upplýsingafulltrúa innanríkisráðuneytisins, Jóhannesi Tómassyni, komu lögreglumenn í ráðuneytið í morgun og skimuðu eftir torkennilegum hlut.
Að sögn Jóhannesar fannst ekkert og leikur enginn grunur á að hætta steðji að ráðuneytinu. Starfsfólk fylgist rólegt með aðgerðum lögreglunnar.
Sprengjuleitarvélmenni var sent á vettvang til þess að rannsaka torkennilega hlutinn. Húsnæðið að Hverfisgötu 4 hefur verið rýmt. Ríkisstjórnin fundaði með ríkislögreglustjóra í morgun um stöðu mála. Ekki þótti ástæða til þess að fresta ríkisstjórnarfundi.
Leitað að sprengjum í fleiri ráðuneytum
Tengdar fréttir
Ekki talin þörf á að rýma Stjórnarráðið en Hverfisgata 4 rýmd
Ríkisstjórn Íslands, sem setið hefur á fundi í Stjórnarráðshúsinu, hefur rætt við Ríkislögreglustjóra vegna ástandsins sem nú ríkir við Stjórnarráðið. Þar fannst torkennilegur hlutur sem talinn er vera sprengja eða leifar af sprengju.
Mikill viðbúnaður við Stjórnarráðið - tilkynnt um sprengju
Mikill viðbúnaður er við Stjórnarráðshúsið á Hverfisgötu en samkvæmt upplýsingum frá lögreglu barst tilkynning til þeirra um að hlutur hefði fundist sem gæti mögulega verið sprengja eða leifar af sprengju..
