Vill að tillaga Bjarna fari í nefnd - segir Alþingi hafa gert mistök

Atli Gíslason, óháður þingmaður, vill að tillaga Bjarna Benediktssonar, formanns Sjálfstæðisflokksins, um að afturkalla ákæru á hendur Geir H. Haarde, fyrrverandi forsætisráðherra, verði lögð í nefnd, svo hægt verði að fjalla faglega um málið.

Atli var þingmaður VG og formaður þingmannanefndar sem vann tillögur að því að fjórir ráðherrar yrðu ákærðir fyrir glöp í starfi. Sjálfur kaus Atli með því að allir fjórir ráðherrarnir yrðu ákærðir.

Hann segir að Alþingi orðið á mistök.

Sérstaklega þegar í ljós kom að kjósa ætti sérstaklega um hvern og einn ráðherra, sem var þvert á tillögu nefndar Atla, sem lagði til að það yrði kosið um að kæra alla ráðherrana í einu.

Atli segir að þegar ljóst var að greidd yrði atkvæði um hvern og einn ráðherra hafi verið eðlilegast að senda málið aftur í nefnd. Sem var ekki gert. Hann segir tillögu Bjarna nú tækifæri til þess að skoða málið á faglegum forsendum og vitnaði þar til sjónarmiða lögspekingina sem hafa ritað um málið í fjölmiðla síðustu daga og vikur.