Norðmenn æfir af reiði út í dönsku dómarana

Norðmenn eru æfir af reiði út í dönsku dómarana á leik Íslands og Noregs sem Ísland vann með tveimur mörkum í gærkvöldi. Norðmenn telja að dómararnir hafi haft af þeim víti á lokamínútinni í leiknum.

Sjónvarpsfréttamaðurinn sem lýsti leiknum á norsku sjónvarpsstöðinni TV2 missti sig gjörsamlega á lokamínútunni og blótaði dönsku dómurunum í sand og ösku. Hann baðst síðan afsökunar á þessu blóti sínu í gærkvöldi.

Norskar bloggsíður logðu svo langt fram eftir nóttu og þar voru dönsku dómurunum valin mun verri orð en fréttamaðurinn viðhafði.