Guðni vill hafa Ólaf Ragnar áfram á Bessastöðum

Guðni Ágústsson, fyrrverandi formaður Framsóknarflokksins og fyrrverandi landbúnaðarráðherra, hefur ásamt öðrum stofnað hreyfingu sem ætlað er að safna undirskriftum og skora á Ólaf Ragnar Grímsson að bjóða sig fram til forseta Íslands á ný.

Guðni Ágústsson greindi frá áformum hreyfingarinnar í Reykjavík síðdegis á Bylgjunni en hann segir Ólaf Ragnar enn njóta mikils stuðnings. Guðni bendir á að hann hafi sýnt mikinn styrk í samskiptum Íslendinga við Breta og Hollendinga þegar Icesave-málið hafi staðið sem hæst.

Guðni segist ekki vera leiðtogi hreyfingarinnar, en að hún muni opna vef og byrja að safna undirskriftum á morgun.