Trúlofuð milljarðamæringi

Poppstjarnan Janet Jackson er búin að trúlofa sig milljarðamæringnum Wissam Al Mana en þau hafa verið saman síðan árið 2010. Janet er 46 ára en Wissam 37 ára.

Wissam gaf Janet svo rosalega dýran hring að hún er með hann í læstri hirslu því hún er svo hrædd um að týan honum.

Wissam ætlar ekki að spara þegar kemur að brúðkaupinu sem verður haldið í vor í Qatar, en Wissam er ættaður þaðan. Hann ætlar að fljúga vinum og fjölskyldu Janet þangað í einkaþotu og verður frægur kokkur ráðinn til að sjá um matseldina.

Janet hefur verið gift tvisvar áður, fyrst söngvaranum James DeBarge árið 1985 og síðar René Elizondo Jr. árið 1991. Árið 2002 byrjaði hún með tónlistarmógúlnum Jermaine Dupri og var með honum í sjö ár.

Þú gætir unnið - vertu með okkur á Facebook.