Ég skil ekki af hverju ég er ekki mjórri

Melissa McCarthy er í viðtali í nóvemberhefti tímaritins Good Housekeeping og talar mikið um baráttu sína við aukakílóin.

Mike & Molly-stjarnan segist alveg vilja losna við nokkur kíló ef hún bara vissi hvernig.

"Stundum óska ég þess að ég væri í stærð sex fyrir töfra og þyrfti ekkert að spá í þyngdinni. En ég lifi mjög heilsusamlegu lífi þannig að ég pirra mig ekkert á þessu. Það myndi ekki hjálpa," segir Melissa sem á tvær dætur með eiginmanni sínum Ben Falcone.

Melissa segist spila tennis reglulega og stunda Pilates. Hún skilur ekkert í því af hverju hún er ekki léttari.

"Ég veit ekki af hverju ég er ekki mjórri. Ég drekk eiginlega ekki gos, ég er ekki mikið fyrir sætindi og við borðum hollan mat heima."

Melissa er góð fyrirmynd og gerir sér grein fyrir því að hún sé ekki eina konan sem er óánægð með líkamann.

"Eiginlega allir sem ég þekki, óháð í hvaða stærð þeir eru, eru að reyna að grennast. Hvar endar þetta allt saman?"