Hætt á kúrnum

Söngkonan Jessica Simpson staðfesti það á jóladag að hún væri ólétt. Þessi ljóshærða þokkadís eignaðist dótturina Maxwell fyrir aðeins sjö mánuðum og hefur misst 23 kíló síðan.

Jessica léttist með hjálp Weight Watchers-prógrammsins. Hún er hins vegar hætt á kúrnum núna enda ekki mælt með að vera á honum á meðan maður er þungaður.

"Jessica og læknirinn hennar munu ákveða hvenær hún má halda áfram í Weight Watchers-prógramminu þegar hún er búin að eiga," stendur í tilkynningu frá Weight Watchers.