Kallarðu þetta hrekkjavökubúning?

Efnisminnsti hrekkjavökubúningurinn þetta árið er fundinn! Fyrirsætan Adrianne Curry mætti í partí í Playboy-höllinni klædd sem LeeLoo Dallas úr kvikmyndinni The Fifth Element og sýndi sínar bestu hliðar - bókstaflega.

Adrianne, sem bar sigur úr býtum í fyrstu seríunni af America's Next Top Model, tók fullt af myndum af sér í eggjandi stellingum og skellti á Twitter-síðu sína. Adrianne entist þó ekki lengi í Playboy-partíinu og var alveg búin á því eftir herlegheitin.

"LeeLoo er búin á því. Það var alltof mikið af fólki í partíinu og mig svimaði þannig að ég fór heim," skrifaði Adrianne á Twitter.