Tónleikaröð hefst í kvöld

Ný tónleikaröð síðunnar Gogoyoko.com á skemmtistaðnum Hressó hefst í kvöld. Tónleikarnir verða fyrsta fimmtudag hvers mánaðar með mörgum af frambærilegustu böndum landsins. Í kvöld ætlar Bloodgroup að stíga á stokk.

Hljómsveitin er nýkomin úr sex vikna tónleikaferðalagi um Evrópu þar sem hún spilaði á 34 tónleikum í fimmtán löndum. Hún stoppar stutt við á Íslandi því ný tónleikaferð um Norður-Ameríku hefst 10. mars. Þar spilar sveitin á tónlistarhátíðunum Canadian Music Week í Toronto og SXSW í Texas. Tónleikarnir í kvöld hefjast klukkan 22 og er ókeypis inn.