Mamma ræður öllu

Justin Bieber er nýorðinn 17 ára en hann sýnir enga tilburði í þá átt að vilja losna undan valdi móður sinnar. Eins og kom fram í Fréttablaðinu á dögunum skammtar mamma hans honum vasapeninga og kveðst hann hæstánægður með þann ráðahag. Auk þess þarf mamma gamla að samþykkja allar kærustur söngvarans vinsæla. Sú var raunin með núverandi kærustu hans, Selenu Gomez.

„Ég myndi ekki koma heim með stelpu nema mamma væri sátt. Maður kemur ekki með slæmar stúlkur heim til mömmu,“ segir Bieberinn. Í nýlegu viðtali var Bieber spurður um það hverju hann leitaði að í fari stúlkna, hvort hann vildi hafa þær á ákveðnum aldri. „Nei, ég er hrifinn af konum yfirleitt.“