Skriðdýrin laða að gesti

Alls heimsóttu tæplega 8.300 gestir Fjölskyldu- og húsdýragarðinn heim í nýliðnum febrúar, sem er nýtt febrúarmet. Gamla aðsóknarmetið fyrir febrúarmánuð var frá árinu 1991 taldi 5.390 gesti.

Starfsfólk garðsins telur góða aðsókn má meðal annars þakka skriðdýra- og froskdýrasýningunni „Forvitnilegt og framandi" sem opnuð var 5. febrúar og hefur laðað að sér forvitna gesti sem ganga inn í hitabeltisloftslag með frumskógahljóðum um miðjan vetur, eitthvað sem Íslendingar eru síður vanir.

Sýningin sem upphaflega átti að vera opin til 6. mars hefur verið framlengd til 13. mars.

Áhugi grunn- og leikskóla á sýningunni hefur verið mikill og með því að lengja opnunartímann komast fleiri að en annars. Fjölskyldu- og húsdýragarðurinn er opinn alla daga frá klukkan 10 til 17.