Hætti við hlutverkið

Leikarinn og leikstjórinn Ben Affleck er hættur við að leika í kvikmynd Baz Luhrmann sem verður byggð á skáldsögu F. Scott Fitzgerald, The Great Gatsby. Fregnirnar komu stuttu eftir að Isla Fisher samþykkti að leika hjákonu Toms Buchanan, sem Affleck átti að leika. Leikarinn ákvað að einbeita sér að næsta leikstjórnarverkefni sínu. Það er myndin Argo, sem fjallar um gíslatöku í Íran. Á meðal leikara í The Great Gatsby eru Leonardo DiCaprio, Tobey Maguire og Carey Mulligan.