Bæjarstjórnarfundur hljóðritaður

Til stendur að hljóðrita fundar bæjarstjórnar Mosfellsbæjar á morgun en þetta er í fyrsta sinn sem það er gert. „Íbúahreyfingin væntir þess að upptökur af fundum bæjarstjórnar verði framvegis aðgengilegar á heimasíðu sveitarfélagsins," segir Jón Jósef Bjarnason, bæjarfulltrúi Íbúahreyfingarinnar.

Jón segir í tilkynningu Íbúðahreyfinguna leggja áherslu á aukið lýðræði og gegnsæja stjórnsýslu. „Á þeim forsendum hefur Íbúahreyfingin í Mosfellsbæ starfað að því að fundir bæjarstjórnar verði hljóðritaðir og gerðir almenningi aðgengilegir."