Ógeðslegt ástaratriði

Reese Witherspoon segir að ástaratriði sem hún lék í á móti Robert Pattinson í myndinni Water For Elephants hafi verið ógeðslegt. Ástæðan er sú að Pattison var mjög kvefaður og var allan tímann hóstandi og hnerrandi á meðan þau voru að knúsast.

 

„Rob var með hryllilegasta kvef sem nokkur leikari sem ég hef leikið með í ástaratriði hefur haft. Hann var að snýta sér og hósta hvað eftir annað og það var ekki heillandi. Ég er að tala um grænt og ógeðslegt slím. Þetta voru töluverð vonbrigði og þetta var langt í frá kynæsandi,“ sagði Witherspoon.