Heill á húfi á Þröskuldum

Björgunarsveitarmenn frá Hólmavík brutust upp á Þröskulda í afleitu veðri og ófærð í morgun, til að koma ökumanni til hjálpar sem sat þar fastur í bíl sínum. Vetrarríki er nú um alla Vestfirði.

Ekkert amaði að manninum, sem sat fastur í jepplingi sínum á miðri heiðinni, enda var bíllinn í gangi og funheitur.  vegurinn verður hinsvegar ekki ruddur fyrr en veður lægir vestra og á það við um fleiri fjallvegi vestra .

Þá fór bíll út af veginum í Dýrafirði í morgun og valt heila veltu. Ökumaður var einn í bílnum og slapp ómeiddur. Hann kenndi óveðri um. Mjög hvasst er víðasthvar á Vestjörðum og slæmar horfur í samgöngum í dag. Ekkert var flogið til Ísafjarðar í gær og morgunferðinni hefur veri frestað farm á daginn.

Annars er Snjóþekja víðasthvar á vegum á Norður og Austurlandi með tilheyrandi hálku hér og þar. Þar er þó allstaðar fært og í örðum landshlutum eru auðir vegir.