Má ekki hækka stjarnfræðilega

„Spurningin er hvar sársaukamörkin liggja,“ segir Erna Hauksdóttir, framkvæmdastjóri Samtaka ferðaþjónustunnar, um tillögu um verulega hækkun gjalds fyrir stakar ferðir í sundlaugar á höfuðborgarsvæðinu. Hugmyndin er að ferðamenn og aðrir sem ekki búa á svæðinu greiði stærri hluta af kostnaði við rekstur sundstaða.

Erna segir eðlilegt að nokkur munur sé á því gjaldi fyrir stakar sundferðir og gjaldi fyrir margar ferðir greiddar með áskriftarkortum. „En það má auðvitað ekki hækka gjaldið í einhverja stjarnfræðilega upphæð,“ segir hún.- gar