Hreinskilinn Rourke

Leikarinn Mickey Rourke lýsir kvikmyndinni Passion Play sem hræðilegri, en hann fór með hlutverk í myndinni ásamt Megan Fox, Bill Murray og Rhys Ifans. Myndin fjallar í stuttu máli um jasstónlistarmann sem kemst í kynni við unga konu sem fædd er með fuglsvængi og ferðast um Bandaríkin með sirkus.

 

„Hræðileg. Önnur hræðileg mynd sem ég hef leikið í. En í þessum bransa leikur maður í fjölda kvikmynda og einhver hluti þeirra er dæmdur til að vera hræðilegur,“ var haft eftir Rourke. Leikarinn lét þau orð eitt sinn falla að Megan Fox væri ein hæfileikaríkasta leikkona dagsins í dag, nú virðist honum þó hafa snúist hugur í þeim efnum. „Hún er ein hæfileikaríkasta leikkona sem ég hef leikið á móti,“ sagði Rourke við blaðamann Vulture.com með glettnislegu brosi.