Aftur saman

Heyrst hefur að fyrrum hjónakornin Jude Law og Sadie Frost gætu tekið aftur saman, nú þegar Law hefur skilið í þriðja sinn við leikkonuna Siennu Miller.

 

Law og Frost kynntust við tökur á kvikmyndinni Shopping árið 1994 og eiga saman þrjú börn. Parið skildi árið 2003 og stuttu síðar tók Law saman við Miller. „Jude og Sadie voru mjög náin og eru það enn vegna barna sinna. Þau fara reglulega í frí saman sem fjölskylda og eyddu síðustu jólum einnig saman. Eftir að Jude hætti með Siennu leitaði hann huggunnar hjá Sadie. Hann er þreyttur á því að vera einhleypur og þráir stöðugleika og nánd. Jude og Sadie eru farin að átta sig á því að þeim þykir enn mjög vænt um hvort annað,“ var haft eftir vini parsins.