Leikrit um leðurblöku

Framleiðendur nýrrar Batman-leiksýningar í Bretlandi hafa lofað því að vandamálin við sýninguna verði ekki þau sömu og í söngleik um Köngulóarmanninn í Bandaríkjunum sem ítrekað hefur verið frestað. „Sú sýning er allt öðruvísi en okkar. Einu líkindin eru þau að bæði verkin fjalla um ofurhetjur,“ sagði Anthony van Laast, leikstjóri Batman Live, í viðtali við BBC.

Verkið verður frumsýnt í Bretlandi í júlí og fer síðan um Evrópu og til Bandaríkjanna. Á meðal þorpara sem koma við sögu í leikritinu eru Jókerinn, Mörgæsin, Gátumaðurinn og Kattarkonan.