Þolir ekki Longoria

Stuttu eftir skilnað sinn við körfuknattleiksmanninn Tony Parker hóf leikkonan Eva Longoria samband með Eduardo Cruz, litla bróður leikkonunnar Penelope Cruz. Samkvæmt heimildum The National Enquirer er Penelope lítið hrifin af þessu sambandi og óttast að Longoria muni skilja bróður sinn eftir í sárum.

„Penelope óttast að Eva sé ekki í sambandinu af heilum hug og að hún eigi eftir að særa Eduardo. Það sem verra er þá telur Penelope að Eva sé aðeins að nota Eduardo til að koma sér í mjúkinn hjá sér og eiginmanni sínum til að landa kvikmyndahlutverkum. Hún veit að Eduardo getur gert mun betur og finnst að hann ætti að vera með konu sem er nær sér í aldri,“ var haft eftir heimildarmanni sem vildi einnig meina að Penelope hefði neitað að hitta Longoria hingað til.