Lífið

Jonze og Kaufman starfa saman

Leikstjórinn við tökur á ævintýramyndinni Where the Wild Things Are.
Leikstjórinn við tökur á ævintýramyndinni Where the Wild Things Are.
Mennirnir á bak við hinar Óskarstilnefndu Being John Malkovich og Adaptation, leikstjórinn Spike Jonze og handritshöfundurinn Charlie Kaufman, eru sagðir vera með nýja mynd á teikniborðinu, níu árum eftir að Adaptation kom út. Hún verður háðsádeila sem fjallar um þjóðarleiðtoga sem hittast reglulega til að ákveða hvað gerist í heiminum, meðal annars hvert olíuverðið verður og hvenær þeir vilja að stríðum ljúki.

Kaufman leikstýrði sinni fyrstu mynd fyrir þremur árum og hét hún Synedoche, New York. Hann er þekktur fyrir að vera harður í horn að taka sem handritshöfundur og vill taka virkan þátt í gerð myndanna eftir að handritaskrifum er lokið. Til að mynda var hann mjög ósáttur þegar George Clooney endurskrifaði handrit hans að Confessions of a Dangerous Mind án þess að ráðfæra sig við hann.

Spike Jonze leikstýrði síðast ævintýramyndinni Where the Wild Tings Are. Einnig framleiddi hann Jackass 3D sem sagði frá ævintýrum samnefndu aulabárðanna.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.