Komin heim frá Kína

Íslenski dúettinn Heima sem hefur verið búsettur í Kína síðustu sex ár er snúinn heim til Íslands með ótal sögur og lög í farteskinu. Dúettinn samanstendur af þeim Rúnari Sigurbjörnssyni og Elínu Jónínu Ólafsdóttur og flytur frumsamda tónlist í þjóðlagastíl.

Þau gáfu út plötuna The Long Road Home í Xiamen í Kína árið 2009 og héldu marga tónlistartengda listviðburði árum saman um gjörvallt landið. Tónleikar Heima verða haldnir á Rosenberg í kvöld og hefjast þeir klukkan 21.30. Aðgangseyrir er 1.000 krónur.

Hér fyrir ofan má sjá myndbandið við lagið I Know You með Heima.