Draumalandið verðlaunað

Heimildarmyndin Draumalandið vann á dögunum hin eftirsóttu Cinema Politica áhorfendaverðlaun. Kosningin fór fram á netinu og hægt var að kjósa milli tíu mest dreifðu mynda síðasta árs innan kanadísku samtakanna Cinema Politica sem sýna pólitískar myndir víða um heim.

Á listanum voru myndir á borð við Gasland, sem hlaut Óskars­tilnefningu í ár sem besta heimildamyndin. Nýlega gerðu aðstandendur Draumalandsins dreifingarsamning við Indiepix um dreifingu í Bandaríkjunum. Einnig eru sýningar í Kína og Þýskalandi fyrirhugaðar á næstunni.