Kærleikarnir haldnir hátíðlegir í dag

Kærleikarnir, sem slá botninn í vetrarhátíð Reykjavíkurborgar, verða haldnir hátíðlegir í dag klukkan 17:30 á Austurvelli.

Tilgangurinn er sá að fagna kærleikanum, en meðal annars verður mínútu þögn þar sem gestir senda jákvæða strauma út í samfélagið. Auk þess verður kærleikskyndilganga verður farin umhverfis tjörnina í fylgd 40 manna lúðrasveitar sem leikur þekkt ástarlög.

Þá ætla björgunarsveitarmenn að klífa styttu Jóns Sigurðssonar og vonast er til að hægt verði að setja Íslandsmet í hópknúsi, að sögn skipuleggjenda. Hátíðin stendur til 18:30.