Umferð jókst um 4%

Meðalumferð um Bolungarvíkurgöng er tæpum 4 prósent meiri það sem af er ári en umferð um Óshlíðarveg á sama tímabili í fyrra. Þetta kemur fram á fréttavefnum BB.is.

 

Þar segir einnig að þessa þrjá mánuði hafa að jafnaði farið 657 bílar um Bolungarvíkurgöng á degi hverjum en um Óshlíðarveg í fyrra fóru 624 bílar á dag.

 

Meðalumferð um Héðinsfjarðargöng fyrstu fimm mánuðina frá opnun, var 382 bílar á sólarhring og er því umferð um Bolungarvíkurgöng 70 prósentum meiri en um Héðinsfjarðargöng. Frá þessu var einnig greint á vikari.is.- rat