Brenndist á hendi

Kona á þrítugsaldri var flutt á sjúkrahúsið á Ísafirði í nótt eftir að hún brenndist á hendi. Konan var töluvert kvalin, að sögn varðstjóra en hún hélt á handblysi þegar slysið varð. Þá var kveikt í ruslagámi en nóttin gekk að öðru leyti vel samkvæmt upplýsingum sem fengust hjá lögreglunni á Ísafirði.

Sömu sögu er að segja frá lögreglumbættum víðsvegar um landið og virðast áramótin hafa gengið stórslysalaust fyrir sig. Skemmtanahald fór almennt vel fram. Lögreglan á Suðurnesjum stöðvaði þrjá ökumenn vegna aksturs undir áhrifum áfengis og þá gistu þrír fangageymslur á lögreglunnar á Akureyri vegna ölvunar og tveir á Húsavík.