Rán á skyndibitastöðum upplýst - fimm handteknir

Lögreglan á höfuðborgarsvæðinu hefur upplýst tvö rán sem voru framin í Reykjavík, annað í vesturbænum um síðustu helgi en hitt í Grafarvogi um þar síðustu helgi. Að sögn lögreglu voru fimm menn handteknir og hafa þeir allir játað aðild sína.

Fjórir þeirra komu við sögu í báðum ránunum en sá fimmti í öðru þeirra. Ránin voru keimlík en í báðum tilvikum fóru mennirnir grímuklæddir inn á skyndibitastað, ógnuðu starfsfólki og höfðu síðan eitthvað smáræði af peningum á brott með sér.

Fimmmenningarnir eru á aldrinum 16-34 ára.