Fundu fíkniefni á Litla Hrauni

Fíkniefni fundust hjá fanga á Litla Hrauni á föstudaginn. Um var að ræða efni í neysluskammti. Fanginn hafði fengið heimsókn frá gesti skömmu áður en fíkniefnin fundust.

Grunur leikur á að sá sem var gestkomandi hafi komið með efnið inn í fangelsið. Sá mun mæta í skýrslutöku til lögreglunnar í dag. Lögreglan á Selfossi segir að töluvert hafi borið á því í gegnum tíðina að fíkniefnum hafi verið smyglað inn í fangelsið.

Eftir að fíkniefnahundur var fenginn í fangelsið hefur það hins vegar þróast meira út í það að smyglað sé læknadópi, á borð við rivotril og ritalin.