B&L og Ingvar Helgason til sölu

Miðengi ehf., SP Fjármögnun hf. og Lýsing hf. hafa falið Fyrirtækjaráðgjöf Íslandsbanka hf. að annast formlegt ferli sem lýtur að mögulegri sölu á 100% hlut í BLIH ehf, móðurfélagi Ingvars Helgasonar ehf. (“IH”) og Bifreiða og landbúnaðarvéla ehf. (“B&L”).

Samhliða verður fasteign sem hýsir starfsemi félagsins að Sævarhöfða í Reykjavík boðin til kaups.

Saman mynda IH og B&L eitt stærsta bifreiðaumboð landsins með níu sterk vörumerki innan sinna raða. Fjárhagslegri endurskipulagningu félaganna lauk fyrr á þessu ári þegar nýir eigendur komu að þeim, en eigendur þeirra eftir endurskipulagningu eru Miðengi ehf., dótturfélag Íslandsbanka, SP Fjármögnun hf. og Lýsing hf.

Stefnt er á að söluferlið hefjist formlega í lok ágúst á þessu ári. Á þeim tíma verður söluferlið auglýst með formlegum hætti og tilkynnt um tímasetningar þess og kröfur seljenda til þeirra sem þátt geta tekið í söluferlinu.

Frekari upplýsingar um söluferlið eru veittar af Fyrirtækjaráðgjöf Íslandsbanka í síma 440 4500 og á netfanginu blih2011@islandsbanki.is.