Katrín Jakobsdóttir búin að eiga

Katrín Jakobsdóttir, menntamálaráðherra, eignaðist sextán marka strák í dag en það er þriðja barn hennar og eiginmanns hennar, Gunnars Sigvaldasonar. Fyrir eiga þau tvo stráka, þá Illuga og Jakob.

Þingmenn á Alþingi klöppuðu og fögnuðu nú fyrir stundu þegar tilkynnt var að hún væri búin að eiga.

Það er fáheyrt, ef ekki einsdæmi að íslenskur ráðherra beri barn undir belti á meðan að hann situr í embætti. Þorgerður Katrín Gunnarsdóttir, fyrrverandi menntamálaráðherra, tók sæti ráðherra árið 2003, eftir að hafa alið barn fáeinum mánuðum áður

Svandís Svavarsdóttir, umhverfisráðherra, tekur við menntamálaráðuneytinu á meðan Katrín er í barneignarleyfi.