Fjórir verið teknir með fíkniefni innvortis

Fjórir farþegar hafa verið teknir með fíkniefni innvortis af tollvörðum á Keflavíkurflugvelli það sem af er þessu ári. Tveir af þessum farþegum komu frá Kaupmannahöfn og tveir frá London. Um er að ræða tvo karla og tvær konur. Tveir eru Litháar, einn Dani og einn Íslendingur.

Fíkniefnin sem þau voru með eru 358 grömm af kókaíni, 145 grömm af amfetamíni, 149 grömm af alsælu ásamt 0,5 gr af amfetamíni og síðan 98 grömm af kókaíni. Til samanburðar voru sex farþegar teknir allt árið í fyrra með fíkniefni innvortis.

Öll þessi mál eru til rannsóknar hjá Lögreglustjóranum á Suðurnesjum, eftir því sem fram kemur á vef Tollstjóra.