Lögreglan nýtur mest trausts

Lögreglan nýtur mikils trausts á meðal almennings, samkvæmt niðurstöðum könnunar MMR sem gerð var dagana 6-10 október.

Samkvæmt niðurstöðum mælingarinnar nýtur lögreglan trausts 81,3%, Háskólinn nýtur trausts 68,6%, Ríkisútvarpið nýtur trausts 59,7% og Háskólinn í Reykjavík 52,9% svarenda.

Þær þrjár stofnanir sem svarendur telja síst að njóti trausts eru Alþingi, Fjármálaeftirlitið og bankakerfið. Alþingi nýtur trausts 10,6% svarenda, Fjármálaeftirlitið nýtur trausts 7,8% og bankakerfið 5,9% svarenda.

Spurt var hversu mikið/lítið traust berð þú til eftirtaldra aðila. Alls svöruðu 921 spurningunni.