Blóðugur niðurskurður á Akureyri

Sjúkrahúsið á Akureyri þarf að fækka störfum um tuttugu og fimm á næsta ári og skera niður í þjónustu á nokkrum deildum miðað við fjárlagafrumvarpið. Bæjarstjórinn vonast til þess að þingmenn endurskoði fjárlögin.

Fjárlagafrumvarpið gerir ráð fyrir eins komma sjö prósentu niðurskurði á sjúkrahúsinu. Það þarf því að draga saman um eitt hundrað og sjötíu milljónir en það er nú rekið með halla. Forstjórinn segir þetta hafa mikil áhrif á starfsemina.

Unnið er að því að draga úr skurðþjónustu, fækka rúmum á handlækningasviði, draga úr þjónustu á borð við bókasafnið og breyta endurhæfingardeild og barnadeild í fimm daga deildir.

Bæjarstjórinn á Akureyri bendir á að jafnframt hafi verið skorið niður í heilbrigðisþjónustu í nærliggjandi sveitum.

Bæjarstjórinn fundaði með þingmönnum kjördæmisins í hádeginu í dag.