Hvað kosta þrif á glerhjúpnum?

Mörður Árnason Samfylkingunni hefur lagt fram fyrirspurn til mennta- og menningarmálaráðherra um Hörpuna. Spyr hann meðal annars um starfssvið þeirra átta félaga sem koma að framkvæmdum og rekstri, veltu, starfsmannafjölda, stjórnarmenn, þóknanir þeirra, kostnaðaráætlanir fyrir einstaka verkþætti, fjármögnun og opinber framlög.

Þá spyr Mörður um glerhjúpinn utan á húsinu, meðal annars um heildarkostnað og áætlaðan kostnað við þrif á honum. Enn fremur spyr hann hvers vegna ekki liggi allir uppdrættir að Hörpu frammi hjá byggingarfulltrúanum í Reykjavík.- bþs