Safna fé fyrir kvennadeildina

Líf, styrktarfélag Kvennadeildar Landspítalans, stendur fyrir landssöfnun á Stöð tvö í mars. Markmiðið er að safna fé til endurbóta og nútímavæðingar kvennadeildar Landspítalans.

Samkvæmt upplýsingum styrktarfélagsins hefur rekstur Kvennadeildar, frá stofnun árið 1975, að mestu leyti verið byggður á gjafafé og engar endurbætur gerðar á tímabilinu. Til dæmis hafi deild 22A, þar sem gamla vöggustofan er, ekki verið í notkun um árabil vegna þrengsla og óþæginda. Gangi söfnunin vel verður mögulegt að opna deildina að nýju. - áe