Drekkur ótæpilega

Söngkonan Christina Aguilera er að sögn vina mjög þung í sinni eftir skilnaðinn við eiginmann sinn, Jordan Bratman, og drekkur ótæpilega til að komast hjá því að takast á við vandann.

Samkvæmt tímaritinu Star hefur Aguilera tapað sjálfsöryggi sínu í kjölfar skilnaðarins og leitar huggunar í mat og áfengi. „Hún verður mjög sorgmædd þegar allar minningarnar streyma yfir hana. Hún lifir í afneitun og drekkur of mikið. Svo borðar hún pitsur, franskar kartöflur og annan fitandi mat í þynnkunni," var haft eftir vini söngkonunnar, sem hefur miklar áhyggjur af heilsufari hennar.