Falsaður fatnaður fluttur inn til landsins

Tollgæslan stöðvaði á dögunum sendingu, sem innihélt töluvert magn af fatnaði sem grunur lék á að væri falsaður. Um var að ræða 175 stykki af peysum og buxum sem komu með hraðsendingu frá Kína.

Tollurinn hafði svo samband við rétthafa sem staðfesti að um falsaðan varning væri að ræða en vildi þó ekkert aðhafast þar sem um of lítið magn væri að ræða.

Í frétt á vef Tollgæslunnar segir að takmörkuð úrræði séu til að koma í veg fyrir að falsaður varningur sé markaðssettur hér á landi ef rétthafi vill ekkert aðhafast og því hafi vörurnar verið tollafgreiddar og afhentar innflytjanda.