Ákærð fyrir að keyra dópuð og stela miklu magni af skartgripum

Lögreglustjórinn á höfuðborgarsvæðinu hefur gefið út ákæru á hendur konu á fertugsaldri fyrir umferðarlagabrot og þjófnað. Konan er grunuð um að hafa keyrt undir áhrifum fíkniefna í Reykjavík fyrr á þessu ári og einnig fyrir að hafa ekið án ökuréttinda síðar á árinu.

Hún einnig ákærð fyrir að hafa stolið andlitsvatni og kremi úr apóteki í Reykjavík að verðmæti rúmlega 1800 kr.

Þá er hún ákærð fyrir að hafa farið inn í íbúð í Reykjavík með stolnum lykli og stolið þaðan meðal annars tveimur fartölvum, iPod, fartölvutösku, myndavél, hátölurum og miklu magni af skartgripum.

Saksóknari fer fram á að konan verði dæmd til refsingar og til greiðslu alls sakarkostnaðar.