Gleymir ekki afmæli

Jennifer Aniston og Gerard Butler léku saman í kvikmyndinni Bounty Hunter á síðasta ári og urðu nánir vinir í kjölfarið. Aniston fagnaði afmæli sínu á dögunum og hringdi Butler sérstaklega í hana til að óska henni til hamingju með daginn. Að sögn heimildarmanna var Butler staddur á veitingastað ásamt vinum sínum þegar hann mundi skyndilega eftir afmælisdegi Aniston og ákvað að óska henni til lukku með daginn. „Hann greip farsíma sinn og þegar hún svaraði kallaði hann hátt: „Til hamingju með daginn, elskan!“ og fékk svo alla vini sína til að sameinast í afmælissöngnum handa henni,“ var haft eftir einum heimildarmanni.