Bílprófsaldur verði átján ár

Ungmenni munu þurfa að ná átján ára aldri þegar þau fá bílpróf, verði nýtt frumvarp til innanríkisráðherra til umferðarlaga að lögum. Frumvarpinu var dreift á Alþingi í dag.

Tillagan er byggð á tillögum starfshóps sem var skipaður árið 2008 til að fjalla um málefni ökunáms og ökukennslu hér á landi. Nefndin skilaði af sér skýrslu af þessu tilefni í september sama ár. Þar koma fram tillögur starfshópsins í 25 liðum ásamt nánari greinargerð um hvern lið.

Frumvarpið hefur áður verið lagt fram á Alþingi en ekki hlotið afgreiðslu.