Björgunarsveit kölluð út upp á Steingrímsfjarðarheiði

Björgunarsveitarmenn frá Hólmavík voru í gærkvöldi kallaðir upp á Steingrímsfjarðarheiði, þar sem ökumaður sat í föstum bíl sínum. Leiðangurinn gekk vel þrátt fyrir slæmt veður.

Þá sótti Lögreglan á Akureyri ökumann upp á Öxnadalsheiði um fjögur leitið í nótt. Hann hafði fest bíl sinn í snjó.

Lögreglan á Selfossi sótti líka ökumann upp á Hellisheiði, eftir að hann hafði misst bílinn út af veginum í mikilli vindhviðu. Þar var afleitt veður og mikill krapi á veginum.  Slæmt færi var líka i Þrengslum og í uppsveitum Árnessýslu.