Flutt aftur að Raufarfelli 2. janúar 2011 07:00 Anna Björk Ólafsdóttir, bóndi á bænum Raufarfelli undir Eyjafjöllum. Anna Björk Ólafsdóttir er bóndi á bænum Raufarfelli undir Eyjafjöllum. Skömmu eftir að eldgosið í Eyjafjallajökli hófst flutti hún með fjölskylduna sína á Hvolsvöll. „Við tókum þá ákvörðun á laugardag að fara. Þá var allt í svartamyrkri og við ósofin vegna hávaða sem fylgdi gosinu aðfaranótt laugardags þegar þrumur og eldingar voru," sagði hún í samtali við Fréttablaðið 19. apríl. „Við snerum að mestu leyti aftur að Raufarfelli í sumar," upplýsir Anna Björk þegar slegið er á þráðinn til hennar. „Þá hafði gróður tekið alveg ótrúlega vel við sér, miklu betur en við höfðum þorað að vona." Kýrnar á bænum voru fluttar austar í sveitir og eru þar enn, en á Raufarfelli er þó megináhersla á nautgriparækt. Meðan fjölskyldan dvaldi á Hvolsvelli var því ekin 40 kílómetra leið til að sinna skepnunum. „Við höfum samt ekki þurft að nýta okkur afleysingaþjónustuna sem bændum stóð til boða, góðir grannar hafa stundum hjálpað okkur," segir Anna Björk. Anna Björk kveður það hafa verið ótrúlegt að fylgjast með hversu vel gróðurinn dafnaði í sumar. „Við áttum ekki von á því, en þrátt fyrir það þá verður maður mikið var við öskuna enn hér. Það var til dæmis öskubylur hér í viku um daginn. Það gerist ef ekki hefur rignt um skeið þá þornar askan strax og fýkur um ef vind hreyfir. Og hún smýgur alls staðar inn. Á svona dögum er heldur ekki verandi úti nema með grímur," segir Anna og bætir við að haustið hafi samt verið nokkuð gott vegna góðrar tíðar. „Það sem við kvíðum hér núna er hvernig vorleysingarnar verða og hvað mun fylgja þeim. Það er svo mikil aska uppi í fjöllunum, þetta er svo gríðarlegt magn af efni og maður áttar sig ekki á hvernig það mun berast með vorflóðum. Svo vitum við að sjálfsögðu ekki núna hvort við munum geta heyjað af túnum næsta sumar, það gátum við ekki síðasta sumar," segir Anna Björk en bætir við að þrátt fyrir þessa óvissu ætli fjölskyldan sér ekki annað en að búa áfram að Raufarfelli. Hún segir ólýsanlega lífsreynslu að hafa upplifað nálægðina við gosið. „Það er í fyrsta lagi sérkennileg reynsla að þurfa að yfirgefa húsið sitt að næturþeli vegna eldgoss, eins og við þurftum fyrst að gera vegna eldgossins á Fimmvörðuhálsi. Við vorum mátulega búin að jafna okkur á því þegar við vorum aftur ræst út vegna gossins í Eyjafjallajökli." - sbt Mest lesið Simmi lýsir áralöngu umsáturseinelti: Sat um hann í bílakjallara Innlent Íslendingur grunaður um heimilisofbeldi handtekinn í Grikklandi Innlent „Norska leiðin“ sé leið Sjálfstæðisflokksins Innlent „Fordæmalausar hörmungar“ í Frakklandi Erlent Styttan tekin niður eftir harðar deilur um klúran barm Erlent Eigandi bíls fullur af bensínbrúsum handtekinn Innlent Aðeins 1,5 prósent ræktarlands enn aðgengilegt og nýtanlegt Erlent Vörðuóðir ferðamenn fremji náttúruspjöll Innlent Tveir fluttir með þyrlunni og fjórir með sjúkrabíl Innlent Tollarnir tilefni til hvorra tveggja örvæntingar og léttis Innlent Fleiri fréttir Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Húsvíkingur á Norðurpólnum segir sögu merkustu landkönnuða 20. aldar Þrýstu á yngsta sakborninginn um að taka á sig alla sök Ákvörðun ráðherra muni seinka viðbragði við faröldrum framtíðar Þyrlan aftur á leið austur vegna umferðarslyss Ekki eigi að gera einstaklinga ábyrga fyrir gerðum ríkisstjórnar Tollahækkanirnar vonbrigði og þrýstir á um fund sem fyrst Forsætisráðherra ósátt með tolla og pólfarar á Húsavík Fyrirlestri ísraelsks fræðimanns aflýst eftir skamma stund Golfbolti hafnaði í manni „eftir óteljandi dæmi um óskiljanlega hegðun“ Tveggja bíla árekstur á Suðurlandi Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Sjá meira
Anna Björk Ólafsdóttir er bóndi á bænum Raufarfelli undir Eyjafjöllum. Skömmu eftir að eldgosið í Eyjafjallajökli hófst flutti hún með fjölskylduna sína á Hvolsvöll. „Við tókum þá ákvörðun á laugardag að fara. Þá var allt í svartamyrkri og við ósofin vegna hávaða sem fylgdi gosinu aðfaranótt laugardags þegar þrumur og eldingar voru," sagði hún í samtali við Fréttablaðið 19. apríl. „Við snerum að mestu leyti aftur að Raufarfelli í sumar," upplýsir Anna Björk þegar slegið er á þráðinn til hennar. „Þá hafði gróður tekið alveg ótrúlega vel við sér, miklu betur en við höfðum þorað að vona." Kýrnar á bænum voru fluttar austar í sveitir og eru þar enn, en á Raufarfelli er þó megináhersla á nautgriparækt. Meðan fjölskyldan dvaldi á Hvolsvelli var því ekin 40 kílómetra leið til að sinna skepnunum. „Við höfum samt ekki þurft að nýta okkur afleysingaþjónustuna sem bændum stóð til boða, góðir grannar hafa stundum hjálpað okkur," segir Anna Björk. Anna Björk kveður það hafa verið ótrúlegt að fylgjast með hversu vel gróðurinn dafnaði í sumar. „Við áttum ekki von á því, en þrátt fyrir það þá verður maður mikið var við öskuna enn hér. Það var til dæmis öskubylur hér í viku um daginn. Það gerist ef ekki hefur rignt um skeið þá þornar askan strax og fýkur um ef vind hreyfir. Og hún smýgur alls staðar inn. Á svona dögum er heldur ekki verandi úti nema með grímur," segir Anna og bætir við að haustið hafi samt verið nokkuð gott vegna góðrar tíðar. „Það sem við kvíðum hér núna er hvernig vorleysingarnar verða og hvað mun fylgja þeim. Það er svo mikil aska uppi í fjöllunum, þetta er svo gríðarlegt magn af efni og maður áttar sig ekki á hvernig það mun berast með vorflóðum. Svo vitum við að sjálfsögðu ekki núna hvort við munum geta heyjað af túnum næsta sumar, það gátum við ekki síðasta sumar," segir Anna Björk en bætir við að þrátt fyrir þessa óvissu ætli fjölskyldan sér ekki annað en að búa áfram að Raufarfelli. Hún segir ólýsanlega lífsreynslu að hafa upplifað nálægðina við gosið. „Það er í fyrsta lagi sérkennileg reynsla að þurfa að yfirgefa húsið sitt að næturþeli vegna eldgoss, eins og við þurftum fyrst að gera vegna eldgossins á Fimmvörðuhálsi. Við vorum mátulega búin að jafna okkur á því þegar við vorum aftur ræst út vegna gossins í Eyjafjallajökli." - sbt
Mest lesið Simmi lýsir áralöngu umsáturseinelti: Sat um hann í bílakjallara Innlent Íslendingur grunaður um heimilisofbeldi handtekinn í Grikklandi Innlent „Norska leiðin“ sé leið Sjálfstæðisflokksins Innlent „Fordæmalausar hörmungar“ í Frakklandi Erlent Styttan tekin niður eftir harðar deilur um klúran barm Erlent Eigandi bíls fullur af bensínbrúsum handtekinn Innlent Aðeins 1,5 prósent ræktarlands enn aðgengilegt og nýtanlegt Erlent Vörðuóðir ferðamenn fremji náttúruspjöll Innlent Tveir fluttir með þyrlunni og fjórir með sjúkrabíl Innlent Tollarnir tilefni til hvorra tveggja örvæntingar og léttis Innlent Fleiri fréttir Ráðin nýr forstöðumaður Háskólaseturs Vestfjarða Íslendingur grunaður um heimilisofbeldi handtekinn í Grikklandi „Norska leiðin“ sé leið Sjálfstæðisflokksins Eigandi bíls fullur af bensínbrúsum handtekinn Tollarnir tilefni til hvorra tveggja örvæntingar og léttis Simmi lýsir áralöngu umsáturseinelti: Sat um hann í bílakjallara Tveir fluttir með þyrlunni og fjórir með sjúkrabíl Vörðuóðir ferðamenn fremji náttúruspjöll Húsvíkingur á Norðurpólnum segir sögu merkustu landkönnuða 20. aldar Þrýstu á yngsta sakborninginn um að taka á sig alla sök Ákvörðun ráðherra muni seinka viðbragði við faröldrum framtíðar Þyrlan aftur á leið austur vegna umferðarslyss Ekki eigi að gera einstaklinga ábyrga fyrir gerðum ríkisstjórnar Tollahækkanirnar vonbrigði og þrýstir á um fund sem fyrst Forsætisráðherra ósátt með tolla og pólfarar á Húsavík Fyrirlestri ísraelsks fræðimanns aflýst eftir skamma stund Golfbolti hafnaði í manni „eftir óteljandi dæmi um óskiljanlega hegðun“ Tveggja bíla árekstur á Suðurlandi Svartaþoka gerir þyrlusveit í útkalli erfitt fyrir Innkalla sælgæti vegna köfnunarhættu Fjarlægði nöfnin strax: „Ætlumst ekki til neins af þessu fólki“ Öryggissérfræðingur hefur trú á boðuðum aðgerðum í Reynisfjöru Segir Höllu ekki skilja um hvað málið snýst Færa sig í Kringluna vegna bílastæðaskorts og framkvæmda Tollastríð, makríll og flutningur Blóðbankans Greina ekki frá tilkynntum kynferðisbrotum á Þjóðhátíð strax Segja Rafmennt auglýsa nöfn sín í blekkingarskyni Sektaður vegna kýr sem drapst á leið í sláturhús Minnsti þéttleiki makríls síðan 2010 Tveir skjálftar yfir þrír að stærð Sjá meira