Grunaður um langvarandi kynferðisofbeldi

Karlmaður á fimmtugsaldri hefur verið úrskurðaður í fjögurra vikna gæsluvarðhald vegna gruns um að hann hafi misnotað dreng, sem nú er fjórtán ára gamall, um árabil. Hann tengist drengnum fjölskylduböndum.

Það var Pressan.is sem greindi fyrst frá málinu en þar kemur meðal annars fram að það hefðu verið barnaverndaryfirvöld sem urðu þess áskynja að drengurinn væri beittur ofbeldi. Í kjölfarið var maðurinn handtekinn af lögreglu og svo úrskurðaður í gæsluvarðhald í Héraðsdómi Reykjaness í gær.

Maðurinn áfrýjaði ekki úrskurðinum til Hæstaréttar. Ekki er útilokað að maðurinn hafi gerst brotlegur við önnur börn.