Lögregla var kölluð að íbúðarhúsi á Selfossi aðfaranótt sunnudags vegna gruns um að þar væri maður sem ekki ætti þar að vera. Þegar lögreglumenn komu inn í íbúðina sáu þeir allsnakinn karlmann sem lá sofandi í sófa inni í stofu.
Af ummerkjum að dæma hafði maðurinn dvalið um tíma í íbúðinni allt að hálfan sólarhring. Hann reyndist undir áhrifum fíkniefna og gat ekki gert grein fyrir veru sinni og bar við minnisleysi af völdum sveppaneyslu. Eigendur íbúðarinnar eru á ferðalagi erlendis.
Samkvæmt upplýsingum frá lögreglunni verður maðurinn kærður fyrir húsbrot og fyrir brot á lögum um meðferð fíkniefna en hjá honum fundust sveppir sem sendir verða til efnagreiningar.
Sveppamaður lá nakinn uppi í rúmi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
