Bergljót söng um kærleikann frammi fyrir þúsundum

Bergljót Arnalds flutti lag á hátíðinni Hjertefred í Noregi, sem haldinn var í gær á Allraheilagramessu, þar sem látinna var minnst. Þúsundir sóttu hátíðina, enda var fólk meðal annars komið til að minnast fórnarlamba voðaverkanna í Útey. „Þetta var mikil upplifun," segir Bergljót í samtali við Vísi.

Bergljót sigldi á báti og flutti boðskap um kærleikann með lagi sínu. Í kjölfarið fluttu tíu norsk börn kveðju frá íslenskum börnum. „Þetta var mjög magnað að upplifa og sjá allt fólkið uppi á brúnni og í kringum ána - fólk hafi tekið þessu ótrúlega vel," segir Bergljót.

Á bakvið hátíðina Hjertefred stendur grafíska myndlistakonan Björg Þóhallsdóttir sem er íslensk en hefur búið í Noregi síðan hún var barn. Bergljót Arnalds og Björg hlutu styrk úr Norsk-íslenska menningarsjóðnum til að vinna þetta verkefni.