Herdís endurkjörin formaður Evrópusamtaka kvenlögfræðinga

Dr. Herdís Þorgeirsdóttir var endurkjörin forseti Evrópusamtaka kvenlögfræðinga (EWLA) á aðalfundi samtakanna í Berlín nú í nóvember. Í tilkynningu segir að hafi verið sóttur af kvenlögfræðingum víða að úr Evrópu sem og fulltrúum aðildarfélaga samtakanna sem eru félög kvenlögfræðinga og lögmanna víðsvegar um álfuna. „Forseti samtaka kvenlögfræðinga í Þýskalandi sat fundinn en þau samtök hafa verið öflugur bakhjarl EWLA frá upphafi. Fundarstaðurinn að þessu sinni var Mannréttindastofnun Þýskalands en henni veitir forstöðu fyrrum varaforseti Evrópusamtaka kvenlögfræðinga Dr. Beate Rudolp lagaprófessor.“

Herdís var upphaflega kjörin forseti EWLA árið 2009 en samtökin voru stofnuð af kvenlögfræðingum ríkja Evrópusambandsins árið 2000 og var einn stofnenda Cherie Booth Blair. Þá segir að Evrópusamtökin hafi í áranna rás haft áhrif á löggjöf varðandi jafnréttismál á vettvangi Evrópusambandsins og eiga þau fulltrúa í Mannréttindastofnun Evrópusambandsins „en markmið EWLA er að vinna að því að auka skilning á evrópskri löggjöf varðandi jafnrétti, ekki síst í tengslum við konur og  auka tengsl kvenlögfræðinga í Evrópu, ekki síst í gegnum aðildarfélög kvenlögfræðinga og lagadeildir háskóla. Vinnuhópar á vegum EWLA eru á vettvangi vinnuréttar, sifjaréttar, mannréttinda og félaga- og fyrirtækjaréttar. Næsta ársþing EWLA verður haldið í Prag í maí 2012.“